Iriburiro mahugurwa n’amahame y’uruhererekane ngenagaciro ku

Mu gihe cya none, abahinzi/borozi bari kongera imbaraga mu buryo busanzwe bw’imikorere no kongera ibikorwa byabo mu gushaka kuzamura imibereho yabo. Ubunararibonye mu bya tekiniki ntibuhagije kugirango babashe gukomeza gupiganwa ku isoko no kungukira mu mahirwe mashya arimo aboneka, abahinzi/borozi bagomba guhora basanisha ibikorwa byabo n’ihindagurika ry’isoko bakongera umusaruro, inyungu n’ ibyinjira. Ukwaguka kw’isoko ku rwego rw’igihugu no ku rwego mpuzamahanga hamwe n’ukwiyongera kw’ ibyinjizwa n’ abaciriritse mu bihugu byinshi biri mu nzira y’amajyambere bitanga amahirwe ku bafite ibikorwa bito yo gukorera mu masoko y’imbere mu gihugu no hanze yacyo.

Ugushaka kongera ibyinjizwa hifashishwa amahirwe ari ku isoko bisaba abahinzi/aborozi kwiyungura mu buryo bwo gufata ibyemezo ndetse no kwiyungura mu ihangana ku isoko muri iki gihe tugezemo. Imbaraga zashyizwe mu isoko no kuba abahinzi bagomba kuba babasha gupiganwa n’ abandi ku isoko, bisaba ubuhanga bwisumbuye mu micungire y’ibikorwa by’ubuhinzi n’ubworozi.  Imenyekanishabikorwa n’imicungire y’ubuhinzi n’ubworozi byungutse ubwiganze ku isi hose mu myaka makumyabiri ishize.

Ubuhanga n’ubumenyi mu gucunga ubucuruzi bushingiye ku buhinzi bifatwa nk’ iby’ingenzi ku bahinzi kugirango babashe kurushaho kwikura mu ngorane zijyana n’iby’ubuhinzi n’ubworozi muri iki gihe turimo. Ariko rero, iyaguka ry’amasoko rizana ingorane ku bahinzi/borozi bafite ibikorwa bito mu bijyanye n' umusaruro ndetse n’imicungire y’uruhererekane ngenagaciro. Inama ku micungire y’ibikorwa by’ubuhinzi/ubworozi zifasha abahinzi guhitamo neza hagati y’ibikorwa by’ ubuhinzi bakurikije ikigero bwite mu bukungu, ukuboneka kw’abakozi n’ukugira ubutaka ndetse n’urugero rwo guhura n’ingorane. Ibi bisobanuye ko abahinzi bagomba kunguka ubushobozi bwo kugenzura uko umusaruro uboneka, ubucuruzi no kugeza umusaruro ku isoko kugirango bizere ubwiza n’inyongeragaciro by’ umusaruro wabo kandi bakore mu buryo butabahenze.

Intego z’ ubuhinzi bw’imboga, imbuto n’indabo nk’ ubucuruzi ni izi zikurikira:

1. Guteza imbere ubucuruzi bushingiye ku buhinzi bw’imboga, imbuto n’indabo ku bahinzi bafite ubushobozi buke mu Rwanda.
2. Kuzamura ba rwiyemezamirimo batanga icyizere, by' umwihariko abagore n’urubyiruko, bashishikajwe no kwihangira imirimo bagatanga akazi ku bandi.
3. Kuzamura ibikorwa bya ba rwiyemezamirimo bato n’ abaciriritse bifite ubushobozi bwo guhanga no gukura bikinjira mu bindi bikorwa bihamye bibyara inyungu.