a)Iteganyabikorwa ry’ umudugudu w’ ubucuruzi 

Iteganyabikorwa ni uburyo bwo gushimangira intumbero y’ itsinda. Rigaragaza inzira itsinda rizakoreshamo ingamba zaryo ngo rigere ku ntego zaryo.

Ibibazo by’ ingenzi mu iteganyabikorwa

• Ni izihe mpinduka zizabaho?
• Ni inde uzazana izo mpinduka?
• Ni ryari zizabaho kandi zizamara igihe kingana gite?
• Ni uwuhe mutungo (amafaranga, abantu) uzakenerwa ngo izo mpinduka zibeho
• Itumanaho (Ni nde ukwiriye kumenya iki?)

Imidugudu y’ ubucuruzi igomba buri gihe guhanga amaso yayo ku igenamigambi ry’ ubucuruzi; igenamigambi ry’ ubucuruzi ni ikarita igaragaza inzira y’ ubucuruzi bw’ umushoramari. Iteganyabikorwa rishyirwaho rikurikije igenamigambi ry’ ubucuruzi mu gihe no mu gace runaka ariko nanone rigaragaza ibikenerwa.Iteganyabikorwa rigomba kugaragaza amakuru nka:

• Ni iki kigiye guterwa; ingano y’imbuto/ingemwe, ifumbire ibindi bigurwa bizakenerwa bijyanye n’ ingano y’ ubutaka
• Abakozi b’ abantu n’ imashini bikenewe
• Ubugenzuzi bw’ ibyiciro byo kuva ku gutera, kugera ku kugurisha n’ ibikenerwa gukorwa kuri buri rwego rwasuzumwe
• Ingano y’ amafaranga akenewe n’ aho azaturuka
• Ni gute umusaruro uzagera ku isoko

b)Ibiranga iteganyabikorwa ryiza

1. Kuba ryuzuye - Rigaragaza intambwe zose z’ ibikorwa cyangwa impinduka zigomba gushakishwa mu bice byose by’ itsinda?
2. Risobanutse - Biragaragara uzakora iki, ryari?
3. Rijyanye n’ igihe - Iteganyabikorwa rigaragaza umurimo uri gukorwa ubu? Ribona amahirwe ndetse n’ imbogamizi biri kuzamuka?

c)Uko iteganyabikorwa ryiza ry’ itsinda rikorwa; intambwe

• Garagaza abazagira uruhare mu itegurwa ry’ iteganyabikorwa

• Tegura inama hamwe n’ itsinda ryawe ngo mutegure itegenyanyabikorwa ryanyu
• Mukore iteganyabikorwa rigizwe n’ intambwe z’ ibikorwa byita ku mpinduka zose zifuzwa
• Mugenzure mwitonze iteganyabikorwa mureba ko ryuzuye
• Murikurikirane
• Mumenyeshe bose ibiri gukorwa
• Muhorane amakuru y’ ibyo (n’uko) mwakoze

d)Urugero rw’iteganyabikorwa

e)Iteganyamigambi ry’ imikorere

Risobanuye ingengabihe igamije imikoreshereze myiza y’ umutungo mu mikorere n’ iyunguka mu mirimo y’ ubuhinzi/ubworozi. Ibi birimo guterera ku gihe, ingano y’ imbuto, igihe cyo gusarura no kugeza umusaruro ku isoko.

Iteganyamigambi ry’ imikorere rihinduka bitewe n’ igihingwa kuko ibihingwa bigira ibihe byo gukura bitandukanye kandi rishingira ku mutungo uhari nk'’ imvura n’ iboneka ry’ amazi, imbuto, ifumbire, ibikoresho, imashini n’ amahirwe ahari nk’ amasoko.

a)Ishyinguranyandiko

 Kugirango wizere ko ucunga imari mu bucuruzi bwawe, ni ngombwa kubika neza inyandiko zabugenewe. Ishyinguranyandiko ni uruhererekane rwuzuye aho amakuru akorwa, agafatwa kandi akabungabungwa ngo azakoreshwe mu gihe kiri imbere n’ ishyirahamwe cyangwa abantu ku giti cyabo. Ishyinguranyandiko ryiza ni ingenzi mu micungire y’ ubuhinzi/ubworozi. Ntabwo ari ko ibindi bigira uruhare mu mitunganyirize y’ umusaruro byacungwa neza byose nta nyandiko zihari.

Kubera iki ari ngombwa gukora neza ishyinguranyandiko?

1. Inyandiko zikozwe neza zikwemerera gukurikirana imikorere y’ ubuhinzi/ubworozi bwawe.
2. Inyandiko zikozwe neza zizaba ingenzi mu kwemeza abakuguriza nk’ amabanki cyangwa ibigo by’ imari iciriritse kukuguriza.
3. Iyo ufite inyandiko zikozwe neza, bigushoboza gutegura neza. Nk’ urugero, iyo wujuje iby’ imari bisabwa byerekanywe hano hasi, bikwereka ku iherezo ingano y’ amafaranga ukeneye, bityo ingano y’ inguzanyo ukeneye gusaba.

b)Isuzuma ry’ ikiguzi n’ inyungu

 Isuzuma ry’ ikiguzi n’ inyungu rigereranya kandi rigahuza agaciro mu mafaranga k’ inyungu n’ ibiguzi ku muryango by’ umushinga, rikagaragaza niba bikwiriye. Isuzuma ry’ ikiguzi n’ inyungurikorwa ngo harebwe uko igikorwa cyateganyijwe kizaba; cyiza cyangwa kibi. Isuzuma ry’ ikiguzi n’ inyungu ribona, rigapima ingano, rigahuza inyungu, maze rikabona, rikanakuramo ibihombo cyangwa ibiguzi byose. Ikinyuranyo hagati y’ ibyo bibiri kigaragaza niba igikorwa cyateganyijwe gikwiriye.