Incamake

Kugirango ibikorwa by' amashyirahamwe y'abahinzi bicuruzwe, bisaba gukoresha uburyo bunonosoye kugirango habeho gusobanukirwa imihindagurikire y' isoko, ibigize isoko n' icyerekezo mu gace ibikorwa by' ubucuruzi bw' ibikomoka ku buhnzi bizaba bikoreramo. Amasoko yemewe n' amategeko ni igice cy' ingenzi cy' isoko kandi agira ibiyaranga bitandukanye bigomba guhabwa agaciro no kwitonderwa n' abafasha b' abahinzi mu bucuruzi ndetse n' abahinzi ubwabo.

2.1 Uburyo bwo kwigisha

Uhugura arasabwa gukoresha uburyo butandukanye yigisha izi nyigisha kugirango azamure isakazabumenyi, gusobanukirwa, gufata mu mutwe no gushyira mu ngiro mu bagenerwabikorwa.

Uburyo bwo kwigisha  busobanurwa nk' :

Amasomo magufi: ibyo abahugurwa bagomba kwigishwa biza bageraho binyuze mu biganiro mu matsinda bikomatanijwe n' uburyo bwo kugaragaza ibyigishwa mu mashusho nk' amafoto, kugaragaza ingano y' ibintu mu buryo bushushanyije, ndetse n' inkuru zivuga kandi zigenda. Muri rusange, amasomo magufi ntagomba kurenza iminota 40 harimo n'umwanya w' iminota 10-15 yo kubaza ibibazo no kubisubiza. Uhugura agomba kwirinda gukurikiranya amasomo, agerageza kuvangamo ubundi buryo bwo guhugura hagati mu isomo ndetse no hagati y' amasomo.

Igitabo cy' ikigo cy' ubucuruzi kigomba kwifashishwa mu gufasha abahugurwa gusobanukirwa uko ibigo binini bikora imirimo ibyara inyungu bazirikana ko bakorera mu kibuga aho ipiganwa rirushaho kwiyongera.  Ibi ni ukubera ko ubucuruzi bushingiye ku miterere y' isoko bwubakiye cyane ku buryo abikorera bakoresha mu bikorwa byabo bibyara inyungu.  Ubu buryo bugomba gukoreshwa mu rwego rwo gushishikariza abahugurwa guhuza ibikorwa no kwiyemeza gushaka abaguzi bemewe n'amategeko ndetse no kuganira n' abandi bahuje ibikorwa cyangwa abo buzuzanya mu ruhererekane nyongeragaciro.

Kwigira ku ngero zigaragara ingero z' ibikorwa bigaragara zisobanutse zigomba kuba zahiswemo neza zikifashihwa mu gufasha abitabiriye amahugurwa kwigira ku ngero ngiro, bityo bigatuma uburyo bwo kwiga buba ari ingirakamaro, butagoye kandi bwumvikana neza.

Abahinzi/Aborozi bafite ibikorwa bito bito/amakoperative bungukira mu kugurisha abacuruzi bemewe n' amategeko (Inganda, amaduka acuruza ibikomoka ku buhinzi n' ubworozi)

• Ubuziranenge n' ibindi umusaruro ugomba kuba wujuje bisabwa n' abaguzi b' ingenzi
• ubufatanyabikorwa mu bikorwa bibyara inyungu             

Iby' ingezi byo kwitabwaho byaba:

Ikinanshingano: Uhugura agomba gufasha abitabiriye amahugurwa ku buryo buri wese agaragara mu mwanya umwe mu igize uruhererekane rw' igurisha ry' ibikomoka ku buhinzi/ubworozi ku muguzi wemewe.  Uburyo bw' ikinanshingano bugamije kugaragaza uko amasomo yizwe yashyirwa mu bikorwa. Ni uburyo bworoshye bwakoreshwa igihe cyose umuntu yaba agamije guhugura no kubaka ubushobozi mu bahinzi/borozi b' ubushobozi buciriritse

Kwifashisha ibigaragarira amaso: ibigaragarira amaso n' ibyikoranabuhanga birimo amashusho yerekana ingano y' ikintu mu bindi, ayerekana imiterere y' ikintu, amashusho agenda/avuga /imbarankuru bizakoreshwa mu kuzamura ireme ry' amahugurwa ndetse no kwihutisha gufata ibyigishijwe.

Ibiganiro mu matsinda : abitabiriye amahugurwa baba mu biganiro bitandukanye bakorera mu matsinda bifashishije uburyo bw' igitabo cy' ikigo cy' ubucuruzi n' izindi nyigisho. Imikoro mu matsinda ituma bahugurwa barushaho gusangira ubunararibonye n' ibitekerezo.